Máis maneiras de compartir lecturas

Cada ano descubrimos un novo xeito de compartir as nosas lecturas e recomendacións. 

Unha das que vimos de poñer en marcha para este curso (e agardamos que para os seguintes) é a creación da NOSA PROPIA WIKI sobre os libros que leamos ou queiramos ler. A diferencia do blog, onde a maioría de vós tedes que limitarvos a comentar as entradas que facemos os administradores (porque doutro xeito sería un auténtico caos), a wiki ofrece a posibilidade de que todo o mundo cree a súa propia reseña, recomendación ou comentario do libro que queira.

Trátase dunha tarefa colectiva, na que nos gustaría que participase o maior número de membros do club (e mesmo do instituto) que sexa posible. Así que vos animamos a que entredes, vos enteredes de que vai, e solicitedes XA a vosa afiliación para comezar a participar.

E ademáis, o club xa ten tamén a súa conta no TUENTI, agardando recibir moooooitas solicitudes de amistade para seguir construindo unha comunidade cada vez máis forte en torno aos libros. Búscanos, o noso nome é Clublecturaferro As Catro Esquinas.

Así que este ano (se vós queredes, claro) 
podemos estar

  MÁIS CONECTADOS CA NUNCA!