sábado, 23 de abril de 2011

Celebración da literatura


O 23 de abril de 1616 morreron Miguel de Cervantes e William Shakespeare, quizais os dous escritores máis trascendentes e valorados da literatura mundial.
Hoxe xa case todo o mundo sabe que esta pasmosa coincidencia ten algo de trampa, porque naquela época Inglaterra e España se rexían por calendarios diferentes. Así que sería máis axeitado dicir que os escritores morreron en días diferentes que tiñan, por así dicilo, o “mesmo nome”. O cal non deixa de ser menos asombroso, e deunos ás xeracións posteriores a oportunidade de establecer un día no que os lectores celebramos a existencia da literatura, ese fenómeno marabilloso que tanto nos aporta aos que temos a sorte de ternos afeizoado a ela. 
Pero, que é iso que nos aporta a literatura? Que buscamos os lectores cando abrimos un libro? Non hai unha resposta única: cada persoa, cada libro, cada momento temos necesidades ou apetencias diferentes, e os que amamos a literatura sabemos que, nalgunha parte, existe o libro que se adapta exactamente ao que queremos nese preciso instante. Porque nós, algunha vez, experimentamos esa máxica sensación de que o libro que estamos a ler pareza exactamente feito para nós. Por iso seguimos lendo. Por iso compadecemos á xente que non foi quén de seguir buscando e deixou de ler.
E aínda que saibamos que é imposible recoller todo o que os libros poden aportarnos, nesta presentación escollemos algunhas ideas, e transmitímolas, como non podía ser menos, nas palabras deses escritores que poñen voz aos nosos pensamentos e sentimentos mellor incluso do que nós o faríamos.
 
View more presentations from catholty
E ti? Por que lees? Recordas ese libro que che fixo sentir especial? O que parecía que falaba de ti? O que che abriu os ollos sobre algún tema? O que te transportou a un país ou a unha época lonxana? O que che fixo rir, ou chorar, ou pasar medo, ou emocionarte....?

Cóntanos, a nós tamén nos gustaría descubrilo!!

10 comentarios:

  1. O meu libro favorito é ''o neno co pixama de raias'' porque conta moi ben a historia ''nazi'' visto dende o punto de vista do nazismo non dos que o pasaban mal xudeos,negros...xa que o protagonista é un fillo dun xefe nazi, que ten un amigo nun campo de concentración, que por querer axudalo o matan nunha cámara de gas.

    ResponderEliminar
  2. Benvido, Juanma! Ves que fácil era chegar?
    "O neno co pixama de raias" é un libro que sempre está na miña lista de para-ler-un-día-destes, pero aínda non lle atopei un oquiño. Dareille uns cantos puntos preferentes por ser a primeira recomendación desta entrada, deste verán non pasa!
    Grazas por participar!

    ResponderEliminar
  3. é moi interesante o vídeo espero que máis xente o vexa.

    ResponderEliminar
  4. "O neno co pixama de raias" : cando caeu o libro nas miñas mans non se coñecía. Unha libreira de O Carballiño recomendouno no insituto e dixo: se vos digo de vai xa non é o mesmo. Polo tanto empecei a ler sen saber de que trataba. Creo que parte do impacto que me produciu foi por non ter nin idea do tema.
    Agora ben, non entendo o super "boom" deste libro. Paréceme un pouco desproporcionado.

    ResponderEliminar
  5. Un dos libros que me marcou foi Molly Moom. Este é un libro de aventuras e intriga no que todo o que pensas sae ao revés. Recoméndollo a todos aqueles que queiran engancharse a un libro.

    ResponderEliminar
  6. Ola!
    A min encántame ler, leo de todo, aínda que o que máis me gusta é a literatura fantástica.
    Os libros que máis me marcaron foron os sete de Harry Potter. Son uns libros moi completos e que che enseñan moitos valores: amizade, lealdade, valor, loitar polo que cres... ademáis os libros son moi entretidos e engánchante dende a primeira páxina.
    Bicos.

    ResponderEliminar
  7. Vaia, pasamos dun libro moi realista, "O neno..." á literatura fantástica. Seica se confirma a idea da entrada: hai libros para todo, e para todos.
    Xa escoitara falar, e moi ben, de Molly Moon. A verdade é que argumento parece moi atractivo. Valerá para 1º da ESO? A ver se o comprobo este verán!
    E Harry Potter... Cantos adolescentes terá gañado esa fantástica saga para a literatura! Espero que sigas atopando moita diversión e moitos valores nos libros, Rebeca.
    Moitas grazas as dúas por participar.

    ResponderEliminar
  8. ¡Hola de novo!
    Veño a recomendar unha trioloxía de libros moi boa: Los Juegos del Hambre. Son unhos libros moi bos e realistas. Recoméndoos plenamente, vouvos deixar a sinopse do primeiro, por que se a poño eu seguro que vos estropeo gran parte do libro: http://www.lecturalia.com/libro/29914/los-juegos-del-hambre
    A min recoméndaronmos nun foro, e desde que lin o primero capítulo non puiden deixalos, engánchante deseguido. Detrás de todas esas páxinas hai cabida para o amor, a lealdade, como é o ser humano, aparece o espírito de loita, de nunca rendirse...

    ResponderEliminar
  9. Moitas grazas de novo pola túa recomendación, Rebeca!
    O libro do que falas ten unha pinta estupenda, tanto que xa estiven a curiosear en Internet (http://www.losjuegosdelhambre.com/) O argumento recórdame unha impactante película xaponesa, Battle Royale, ainda que na peli os poderosos consiguen impoñer a violencia, e no libro parece que hai unha visión máis optimista do ser humano. En calquera caso, sempre é interesante coñecer as dúas posturas: xa sabemos que todos temos luces e sombras e no fondo as dúas historias nos levan, seguro, a rexeitar o lado máis oscuro e valorar máis a colaboración e o compañerismo que a loita.
    Tamén lin un libro de temática parecida, Ácido sulfúrico, de Amélie Nothomb (http://www.lecturalia.com/libro/10696/acido-sulfurico), máis amable que a peli (alomenos no final) e bastante interesante. É moi curto e fácil de ler, se vos gustan os idiomas tamén o podedes ler na versión orixinal, en francés.
    Por certo, gústaríame incorporar algús foros de literatura xuvenil nos enlaces deste blog, pero non teño moito tempo de andar a buscar, así que che agradecería moito que me recomendases algúns.

    ResponderEliminar
  10. ¿Libros que impactaran? Moitos,claro, algúns incluso dos lidos “por obrigación”, que non vou incluír agora. Podo dicir que prefiro Molly Moon a Harry Potter, ou que a triloxía de tinta está superchulísma (“Corazón ...” “Sangre...” e “Muerte de tinta”) dunha das miñas autoras favoritas, Cornelia Funke, e mesmo que “O neno do pixama...” a min non me gustou. Sen ser “literatura Xuvenil” seguro que hanvos gustar e enganchar “EL perfume” de Patrick Suskind, “La tabla de Flandes” de Arturo Pérez Reverte ou “La mecánica del corazón”, de Mathias Malzieu. Se alguén se anima, que conte a súa opinión ¿vale?

    ResponderEliminar