Seguindo a estela de centros coma o CEIP Mestre Goldar, de Vigo, ou o IES de Sanxenxo, este ano decidimos traer a Barbadás esa fermosa iniciativa dos Padriños e Madriñas Lectores.
.
Xa sabemos que vos encanta rememorar os anos que pasastes moitos de vós no Filomena Dato, reencontrarvos cos vosos profes e compartir a vosa experiencia con eses alumnos que eran uns cativos cando vos fostes, e que cada ano están un pouco máis crecidiños.
.
Así que hoxe recibimos aos alumnos de 6º de Primaria para coñecernos e decidir os grupos de padriños, madriñas e afillad@s. Coma sempre que colaboramos con outro centro, a experiencia foi incriblemente satisfactoria. Cada afillad@ recibiu do seu padrino ou madriña un libro que, cando tiña 11 anos, lle deixara unha pegada especial. Tamén conversamos sobre os nosos gustos, compartimos anécdotas e curiosidades, e intercambiamos correos electrónicos para poder manter o contacto.
Seguro que deste encontro, e dos que seguirán, nacerá máis dunha relación que vai ser moi especial. Xa vos iremos contando como evoluciona esta actividade.
.
.
Mentras tanto, agardamos que nos contedes nos comentarios como está sendo esta experiencia, e mesmo que convenzades aos vosos afillad@s para que se pasen por aquí e nos deixen unhas palabriñas.


