xoves, 8 de marzo de 2012

Elas tamén escriben



Levounos moitos, anos non, SÉCULOS, chegar á situación actual na que, a pesar da desigualdade que persiste en moitas situacións, polo menos parécenos natural atopar unha muller en case calquera posto de traballo. 
.

Pablo Picasso: Mujer escribiendo
A situación das mulleres escritoras foi, e vai, parella á da incorporación da muller ao traballo remunerado (porque o traballo gratuito, todos o sabemos, levámolo facendo dende o principio dos tempos). A calquera persoa de cultura media custaralle recordar nomes de escritoras anteriores ao século XIX, porque a elas tamén lles resultaba difícil publicar as súas obras ou recibir unha consideración similar á dos homes. Hoxe en día as mulleres xa non teñen as mesmas dificultades, tampouco na literatura, segue habendo algún que outro prexuizo cara a "literatura femenina" que debemos intentar erradicar. 
.
.
Nun día como hoxe, propóñovos adicar uns minutos a recordar a esas mulleres que, ao longo da historia, fixeron a súa aportación á historia da literatura e á integración da muller neste campo que durante moitos anos, como tantos outros sectores, foi un territorio maioritariamente masculino. A ver se sodes quen de poñerlle nome ás caras que aparecen no vídeo que abre esta entrada e na imaxe que segue. Podedes axudarvos desta lista de mulleres na literatura universal e estoutra de escritoras da tradición hispánica
.


2 comentarios:

  1. Eu non son quen de poñerlle nome a todas as caras. Hei de pedir axuda a ver se o dou feito.
    Moi interesnte o traballo.

    ResponderEliminar
  2. Xa, eu tampouco. Xustamente, como son un pouco vaga, esperaba que me axudárades vos a identificalas ;)

    ResponderEliminar