As compañeiras que asistiron o sábado pasado á Xornada deClubs de lectura, en Santiago, faláronnos desta interesantísima iniciativa da Organización de Estados Iberoamericanos, en colaboración cos Ministerios de Educación de varios países, que nos permite coñecer a lectores da vosa idade dun montón de países. Chámase ¿Qué estás leyendo?, e ponnos en contacto cos blogs de lectura de moitos adolescentes do mundo iberoamericano. Para saber en que consiste, clica aquí
En O galego do quinto tedes enlaces a algúns dos blogs que participan nesta iniciativa, e na páxina principal do proxecto podedes accedar a moitos máis. Faredes unha apaixoante viaxe por
gran parte do mundo a través dos ollos destes lectores internacionais, que vos permitirá coñecer
os seus intereses, preferencias e opinións, e descubrir que, como reza o título
do blog arxentino de Nerina, Rocío,
Gisela y otros, “Los adolescentes también leemos… aunque usted no lo crea”.
![](https://blogger.googleusercontent.com/img/b/R29vZ2xl/AVvXsEgUCaHi4quWv4CiXE6vbrgiOAHP4Y5CryBXIBtbBNLG0v4AlsZexB5zHEUDLJQMQHXAutqxAVbn01ItVdNOPJ02StRxr622bardj45ctj3aa-T0ziA3scFCMoszDWKKfJ7UgRsBQetSJKUX/s200/dr%25C3%25A1cula.jpg)
Sarahi, dende México, creou un blog centrado no mundo da literatura xuvenil que me gustou moito pola sinxeleza do deseño, que invita á lectura, e polo concreto das súas observacións. Chámase ¿Qué puedo leer?
Pola súa banda, Julia (Uruguay) cree que “leer nos regala mucha compañía, libertad para ser de otra manera y ser más” O que me chamou a atención do seu blog foi a impresionante variedade das súas lecturas, entre as que podes atopar poesía, teatro e mesmo un chisquiño de "filo-Sofía", novelas xuvenís coma Harry Potter xunto a escritores clásicos coma García Márquez.
Liliana lamenta a falta de hábito de leer na República Dominicana, que relaciona moi sensatamente con algunhas carencias do seu país. Pero parece que hai unha
xeración disposta a cambiar esta situación, porque, sendo un país bastante pequeno,
xa teñen 10 blogs participando no concurso. Entre eles, algúns en inglés, como A Little read is never enough,obra dun fervoroso fan de Harry Potter.
Pero o mundo iberoamericano non só fala español, nin inglés. Hai sitio para Portugal, país no que ainda non se animou a participar ninguén. Si o fixeron dende Brasil, por exemplo, os alumnos de 7º (que curso será ese?) que crearon Furacao de leitura, ou José Eduardo.
![](https://blogger.googleusercontent.com/img/b/R29vZ2xl/AVvXsEgsD1qkJCgiLxrfDGaTXDMxaarMsijcwYJmUjC9rYis__cU1HTcC6jQ8xnFmbE4peIkh48Fe9AysQ5p-h2ZNLk2_YVHDpMkOpfKxBiCUYZkgKhRF2abGcSzvuzVvDQCe_iSuDUG2iirDpF-/s200/moccia.jpg)
Non vos apetece entrar a formar parte desta comunidade
internacional?
Eu, se tivese a vosa idade, xa estaría facendo comentarios nos blogs que máis me gustasen (os que tedes blog xa sabedes a ilusión que fai que che comenten, e se é xente doutros países nin che conto). E tampouco tardaría moito en animarme a crear o meu propio blog, non tanto para concursar (este ano xa non se pode, pero para o que vén…), como para formar parte desta fantástica comunidade chea de nacionalidades diferentes e poder facer amigos polo mundo adiante.
Ademais, se non vos sentides moi seguros porque nunca antes
o fixestes, sempre podedes buscar un grupiño de amigos para crear un blog
colectivo, como fixeron Mariana y David (Perú),
ou Milagros, Florencia, Diana, María José, Macarena, Rocío, Victoria, Luciano…
(Argentina). Como ben din Patricia,
Catalina, Constanza y Sofía (Chile), LEER NOS UNE.
As
instruccións e consellos para crear o voso blog podédelos atopar na mesma
páxina, clicando sobre a pestaña Ideas.
Xa vedes que se pode facer en varias linguas, pero… aínda non hai ningún en
galego!! Alguén se apunta a ser o primeiro?
Que iniciativa tan interesante! Estamos estes días coa campaña de lectura de verán e vou poñer na entrada que fixen para difundila unha ligazón a este traballo teu.
ResponderEliminarPaloma, xa sabía que ti ías facer algo artístico coa información. Segue así, guapa.
ResponderEliminarGrazas ás dúas: a Marina, por enlazarnos, e a Begoña polos ánimos.
ResponderEliminarEla, que me coñece ben, xa sabe que a min todo o que cheire a internacional me perde, así que esta iniciativa resultoume moi inspiradora. Blogs, lectura e países diferentes unidos no mesmo proxecto! Sen perder de vista aos verdadeiros protagonistas, que son eses adolescentes inquedos e creativos que hai en todas partes. A verdade é que dá gusto lelos, espero que se lles unan moitos máis.