luns, 27 de xaneiro de 2014

OS INTRÉPIDOS DO PINTOR DO SOMBREIRO DE MALVAS

A verdade é que o primeiro que teño que facer é pedir perdón aos rapaces de primeiro. Deixei nas súas mans este libro para Nadal, contándolles que o escritor e que era moi interesante, que poderiamos intentar falar con el e claro, emocionados,levaron o libro. Eu que lera o de Palabras de auga pensei que sería perfecto tamén este, pero cando lin o libro, dixen "mellor para segundo ou terceiro". Aínda así estes son os intrépidos que viñeron co libro e o sorriso posto despois de nadal


E estaba volvéndome tola buscando os cadros de Vangoh que ilustraran o libro cando na rede atopeime con este fantástico traballo de IES de Poio.



O pintor do sombreiro de malvas from Anxos bibliotequeira

Mañá falaremos desta presentación e despois veremos que preguntas farémoslle a Marcos Calveiro porque o outro día puxémonos en contacto con el e ofreceuse a contestas ás nosas dúbidas.

5 comentarios:

  1. Ola, son Anxo de 1º A, a min o libro a verdade, non me entusiasmou porque esperaba un pouco máis de intriga. Marcos, poderíasme explicar que pretendías escribindo iste libro? Grazas

    ResponderEliminar
  2. Este comentario foi eliminado por un administrador do blog.

    ResponderEliminar
  3. Ola, son Noelia Costa, de 1º A, gostaríame que me contestaras algunhas cuestións; por exemplo por que escolliches a Van Gogh para facer a novela? Fuche a Auvers para inspirarte? Fixeches un guion antes de escribir ou fuches poñendo o que che saía?
    Espero as túas respostas. Moitas grazas.

    ResponderEliminar
  4. Ola, chámome Laura Cid, e tamén son de 1º A, pasouche algo parecido de adolescente? (coñecer alguén famoso, unha historia de amor) é dicir, se este libro ten algo da túa vida.
    Moitas grazas

    ResponderEliminar
  5. Ola, Marcos, son Pablo Pérez, de 1º A, gustaríame saber canto tempo tardaches en escribir o libro e Se necesitaches moita axuda, e de quen.

    ResponderEliminar